Санаи 13-15 марти соли 2025, дар ш. Қазон конфронси байналмилалии "Омӯзиш ва ҳифзи бабри барфӣ дар ҷаҳон. Муттаҳидшавии кӯшишҳо "баргузор гардид, ки дар он зиёда аз 180 нафар иштирокчиён аз 12 кишвари маҳали сукунати бабри барфӣ иштирок намуданд.

Дар рафти кори конфронс коршиносон, намояндагони ниҳодҳои давлатӣ ва ҷомеаи ҷамъиятӣ масъалаҳои рафти омӯзиш ва ҳифзи бабри барфӣ, таҳдидҳои актуалӣ ба ин намуд ва чораҳои пешгириро муҳокима ва баррасӣ карданд.

Ҳайати Ҷумҳурии Тоҷикистон, ки дар он намояндагони Кумитаи ҳифзи муҳити зисти назди Ҳукумати Ҷумҳурии Тоҷикистон ва Академияи миллии илмҳои Тоҷикистон шомил буданд, вобаста ба масъалаҳои сиёсии мамлакат оид ба ҳифзи бабри барфӣ ва экосистемаҳои он, вазъи популятсияи базаи хӯрокаи он ва дигар масъалаҳои мубрам маърӯза ва рӯнамоҳо пешниҳод намуданд.

Бояд қайд кард, ки саршумори бабри барфӣ дар Тоҷикистон тақрибан 500 сарро ташкил медиҳад, ки ин аз солимии экосистемаҳо ва набудани омилҳои нигаронкунанда шаҳодат медиҳад.

Конфронс имкон дод, ки иштирокдорон бо таҷрибаҳои худ мубодила намоянд, самтҳои ҳамкориро васеъ кунанд ва ба ин васила иқтидори кадрии мутахассисонро мустаҳкам кунанд.

Конфронс нуқтаи ибтидоӣ барои оғози ҳамкории самаранок дар сатҳи миллӣ, минтақавӣ ва байналмилалӣ гардид.

Дар натиҷаи конфронси баргузоргардида, иштирокчиён қаътномаи навро бо номи “Қаътномаи Қазон” қабул намоянд, ки бораи ҳифзи бабри барфӣ дар ҷаҳон мусоидат менамояд.