Тибқи нақшаи кории Маркази миллии гуногунӣ ва бехатарии биологӣ дар ҳамкорӣ бо Маркази миллии амалҳо оид ба ҳифзи муҳити зист оид ба беҳдошти мониторинги экологии ҷузъҳои табиати олами вуҳуш бо истифода аз машваратҳои мутахассисони хориҷӣ барои ворид намудани воситаҳои навоварии технологияҳои информатсионии пешқадами ҷаҳонӣ бо мақсади гирифтани маълумотҳои мукаммал оид ба ҳолати табиати ёбоӣ ва истифодабарии он дар фаъолияти корбарии ҳудудҳои махсус муҳофизатшавандаи табиӣ рӯзҳои 27-28 июли соли 2021 дар шаҳри Душанбе семинари бозомӯзӣ бо иштироки 30 нафар мутахассисони соҳаи ҳифзи табиат ва ҳудудҳои махсус муҳофизатшавадаи табиӣ, Академияи миллии илмҳо, ҷангалбонон аз паркҳои миллии Сангвор ва Лахш, инчунин кормандони дигар зерсохторҳои Кумита семинар-тренинги омӯзишӣ ҷиҳати татбиқи нақшаи амали Конвенсияи гуногуногунии биологӣ баргузор гардид.

Мақсади асосии семинар бозомӯзии мутахассисон ва нозирони ҳудудҳои махсус муҳофизатшавандаи табиӣ, паркҳои миллӣ, Марказҳои болозикр ва ташкилотҳои илмӣ бо барномаҳои иноватсионии мониторинги муҳити зист, махсус баҳисобгирии ҳайвоноти ёбоӣ аз ҷумла бабри барфӣ ва намудҳои шикории он буд, бо назардошти истифода бурдани технолгияҳои замонавӣ.

Дар рафти омӯзиш се нуқтаи ҳамбастаи омӯзиши мониторинг бо ҳам пайваста карда шуда, ки бо таври интерактивӣ бо усули барномаи НекстГис афгори ақида ва мубодилаи маълумот дар як лаҳза бо Москав-Душанбе-Сангвор гузаронида шуд.

Барномаи мобилии смарт нозирӣ (NextGis) яке аз технологияҳои иттилоотӣ баҳогузорӣ ва таҳлили маълумотҳои ҳозиразамон барои мушоҳидаи олами ҳайвонот ва наботот, мониторинги ҳудудҳои махсус муҳофизатшавандаи табиӣ барои муайян кардани сифати кори нозирон ва баланд бардоштани самарабахшӣ фаъолиятҳои зидди қуруқшиканӣ имкониятҳо васеъро фароҳам меоварад.

Дар семинар намояндагони Марказҳои болозикр Акрамов У., Новикова Т., Шерматов Х., Мавлонов Н. дар якҷоягӣ бо мутахассисони Федератсияи Росия Эдуард Казаков ва Михаил Гусев тариқи маҷозӣ баромаду муҳокимаронӣ намуданд.

Дар рафти муҳокимарониҳо мушоҳида ва мониторинги табиат ва ҳайвоноти ёбоӣ, тарзи муайн намудани қонуншиканиҳо дар ҳудудҳои махсус муҳофизатшавандаи табиӣ, тарзи харитасозӣ ва истифодаи домҳои банаворгирӣ (фотоловушка) дар мониторинги муҳити табиӣ ва баҳисобгирии ҳайвоноти ёбоӣ мавриди истифода қарор гирифтанд.

Рузи дуюм 28 июли соли 2021 иштирокчиён семинари бозомӯзӣ ба мамнӯъгоҳи Ромит сафар намуда аз набототу ҳайвоноти ин мавзеъ шиносоӣ пайдо намуда, дар ҳолати саҳроӣ барномаи смарт нозириро истифода намуданд ва ҳар иштирокчӣ тавонист, ки шахсан аз барномаи дар телефонҳояшон насбгардида истифода намуда, маълумотҳои заруриро доир ба наботот ва ҳайвонот, гузаронидани мониторинг ва баҳисобгирӣ ворид намояд ва тарзи насб намудани домҳои банаворгириро омӯхта маълумотҳоро дар барнома ворид намоянд.

Дар анҷоми семинари бозомӯзӣ ҳамаи иштирокдорон бо сертификати мутахассиси соҳаи смарт нозирӣ сарфароз гардонида шуданд ва метавонанд, ки дигар кормандону мутахассисони соҳаро омӯзонанд.

Натиҷагирии бозомӯзӣ:

Тамоми мутахассисони даъватшуда дар телефонҳо ва планшетҳои худ барномаи смарт нозирии – Некст Гисро ворид намуда, ҷабҳаҳои мониторингро фаъол намуда, дар ҳолати саҳроӣ барномаро истифода намуда, тарзи муайн намудани қуруқшиканӣ, мониторинги ҳайвонот, истифодаи домҳои банаворгирӣ натиҷабардорӣ карданд. 

Мутахассисон ҳамчун, аз таҷрибаву усулҳои замонавӣ татбиқшаванда, ки аз тарафи  омӯзгорон-трененрон, татбиқ гардиданд бо донишҳои мукаммал муаясар шуда ва дар оянда метавонанд дар фаъолиятҳои назоратии худ аз ин барномаи назоратӣ истифода намуда, дигар ҳамкорон ва мутахассисони соҳаро низ бо истифода аз ин барнома омухта метавонанд.

Ин амал барои ноил гаштан ба системаҳои худидоракунии маълумотҳо, аз он ҷумла бо истифода аз алоқаҳои кайҳонӣ иборат буда, сифат ва масоҳати ба даст овардани маълумотҳоро ва дар он асос қабул намудани хулосаҳои манфиатоваро баланд намуда, барои пешгирии роҳи қуруқшиканӣ мусоидат менамояд.

Дар назар аст, ки навигариҳо ва таҷрибаи ба даст овардашуда дар аввал дар як ду ҳудудҳои махсус муҳофизатшаванда истифода шуда, баъдан масоҳати фарогирии ин усул ва воситаҳо тамоми экосистемаҳои нодирро ва ҳудудҳои махсус муҳофизатшавандаро дар бар мегирад.