Конфронс бахшида ба Рӯзи байналмилалии гуногунии биологӣ 
"Сохтани ояндаи умумӣ барои ҳаёти мо"

Санаи 21-уми майи соли 2022 дар шаҳри Душанбе бо ташаббуси Маркази миллии гуногунии биологӣ ва бехатарии биологии Кумитаи ҳифзи муҳити зисти назди Ҳукумати Ҷумҳурии Тоҷикистон ҳамчун мақоми ваколатдор оид ба татбиқи Конвенсияи СММ дар бораи Гуногунии биологӣ бахшида ба Рӯзи байналмилалии гуногунии биологӣ конфронс баргузор гардид, ки ҳамасола 22 май бо ташаббуси Конвенсия оид ба гуногунии биологӣ таҷлил мегардад. Ҳар сол Конвенсияи гуногунии биологӣ мувофиқи ҳадафу вазифаҳо рӯзи гуногунии биологиро ҷашн гирифта, ба он мавзӯи алоҳида бахшидааст. Соли 2022 бо шиори "Сохтани ояндаи муштарак барои ҳаёти мо" эълон шудааст. Ин шиорро Котиботи Конвенсия моҳи марти соли 2022 дар ҷаласаи техникии тарафҳои Конвенсия қабул кардааст.

Дар кори Конфронс намояндагони Кумитаи ҳифзи муҳити зисти назди Ҳукумати Ҷумҳурии Тоҷикистон, Академияи миллии илмҳои Тоҷикистон ва Институтҳои илмии он, Академияи илмҳои кишоварзии Тоҷикистон ва Институтҳои илмии он, Агентии хоҷагии ҷангал ва Ҳудудҳои табиии махсус ҳифзшаванда, омӯзгорони Донишгоҳи миллии Тоҷикистон, Донишгоҳи аграрии Тоҷикистон, Донишгоҳи омӯзгории Тоҷикистон, Донишгоҳи давлатии Хуҷанд, намояндагони ташкилотҳои ҷамъиятӣ ва хоҷагиҳои деҳқонӣ иштирок намуданд. Умуман, дар кори Конфронс 70 нафар иштирок намудан.

Сухани ифтитоҳӣ аз номи Кумитаи ҳифзи муҳити зисти назди Ҳукумати Ҷумҳурии Тоҷикистон аз ҷониби Муовини якуми раис Қиёмзода Зарафо шунида шуд, ки дар суханронии худ ба дастовардҳои Тоҷикистон дар соҳаи ҳифз ва идоракунии устувори гуногунии биологӣ, сиёсати мамлакат ва нақши Кумита қайд намуданд. Иштирокчиёни конфронсро аз номи Академияи миллии илмҳои Тоҷикистон узви вобаста, ноиби президент Саидов Абдусаттор хайрамақдам намудан, аз номи Маркази миллии гуногунии биологӣ ва бехатарии биологӣ и.в. директор Ятимов Олимҷон суханро намуда, дар баромадҳои худ саҳми шодравон Сафаров Н.М. дар рушди илми гуногунии биологӣ дар Тоҷикистон ва заминаи устувори кадрии таъсис додаи онро оид ба гуногунии биологӣ-ро қайд намуданд.

Сипас, аз ҷониби кормандони Маркази миллии гуногунии биологӣ ва бехатарии биологӣ рӯнамо ва баромадҳо дар мавзӯи “Конвенсия оид ба гуногунии биологӣ, сохтор ва принсипҳои ҳамкориҳои байналмилалӣ ва нақши Тоҷикистон дар татбиқи Конвенсия оид ба гуногунии биологӣ ва ноил шудан ба ҳадафҳои калидӣ”; “Ташаббуси Котиботи конвенсия оид ба гуногунии биологӣ ва 22 амал доир ба масъалаҳои гуногунии биологӣ”; ва “Нақши Стратегияи миллии ҳифзи гуногунии биологии Тоҷикистон” ба иштирокчиёни конфронс пешниҳод гардидид.

Инчунин, намояндагони Академияи милии илмҳои Точикистон, Институти ботаника, физиология ва генетикаи растанихо, Институти зоология ва паразитологияи ба номи. Е.Н. Павловский, намояндагони факултети биологияи Донишгохи миллии Точикистон, намояндагони ташкилотхои чамъияти ва хоҷагиҳои деҳқонӣ. Дар маҷмӯъ, дар маърӯзаҳои пешниҳодшуда саҳми ҳар як идора ва ташкилот дар татбиқи тадбирҳо оид ба ҳифз ва истифодаи устувори гуногунии биологии кишвар нишон дода шуда, таҷрибаҳои пешқадам оид ба идоракунии устувори гуногунии биологӣ ва нақши ҷомеаҳои маҳаллӣ доир ба иҷроиши корҳои амали пешниҳод карда шуданд.

Дар натиҷаи конфронс Қарори Конфронс қабул карда шуд, ки дар он қадамҳо ва амалҳои минбаъда ҷиҳати ноил шудан ба ҳадафу вазифаҳо дар соҳаи идоракунии устувори гуногунии биологӣ пурра инъикос ёфта, сиёсати кишварро чи дар сатҳи миллӣ ва чӣ дар сатҳи байналмилалӣ инъикос менамояд.